မြန်မာယူနီကုဒ်ကိုပဲ သုံးကြရအောင်

-မြန်မာ website တွေမှာ ဆိုရင် ဇော်ဂျီ နဲ့ ယူနီကုဒ်နဲ့ ဆိုပြီးနှစ်မျိုးကွဲနေတာတွေ့ရပါတယ်။ ဇော်ဂျီကို သုံးတဲ့ site တွေကအတော်လေးကိုများပါတယ်။ အားလုံးလဲသိကြ ပြီးသားဖြစ်မှာပါ။ ဇော်ဂျီက ယူနီကုဒ် အစစ်မဟုတ်ဘူးဆိုတာကိုပါ။ ဇော်ဂျီကို သုံးရတာပိုအဆင်ပြေလို့။ သုံးနေကျဖြစ်လို့။ လက်ကွက်ပြောင်းမသုံးချင် ကြလို့ စသဖြင့်ပေါ့လေ။ အကြောင်းပြချက်တွေ အများကြီးရှိပါတယ်။ ဒီလိုနဲ့ပဲ ကျွန်တော်တို့က ဇော်ဂျီနဲ့ပဲ နေကြ မှာလား။ ဇော်ဂျီကို သုံးရင် search engine တွေမှာ ရှာရတာ ဒုက္ခရောက်ပါတယ်။ မြန်မာစာ ရေးထုံးကိုလဲ မလိုက်နာပါဘူး။ တိုင်းရင်းသားတွေအတွက်ဖောင့်စ်တွေကို ယူသုံးထားတယ်။ စသဖြင့်ပေါ့လေ။
-ဇော်ဂျီက တစ်ဖက်၊ တစ်ခြားယူနီကုဒ်တွေက တစ်ဖက် အဆင်မပြေဘူးဖြစ်နေတော့ ဖတ်ရတာ ဒုက္ခအတော် ရောက်ပါတယ်။ သူများနိုင်ငံတွေကကော ဘယ်လိုမြင်မလဲ။ ကျွန်တော့်အနေနဲ့ ကတော့ standard တစ်ခုရှိစေချင်တာက လူတွေ ညှိနှိုင်းပြီးအဖြေရှာလို့ ရမယ်လို့ထင်ပါတယ်။
-အွန်လိုင်းမှာ ယူနီကုဒ်ကိုပဲ သုံးကြရအောင်ပါ။ လက်ကွက်အဆင်မပြေတဲ့ သူတွေအတွက် zawgyi to unicode converter ကိုသုံးလို့ရပါတယ်။ အခု ကိုစေတန် wordpress အတွက် ရေးထားတဲ့ plugin က ဇော်ဂျီနဲ့ ရိုက်ထားတဲ့ comment တွေကို ယူနီကုဒ်ပြောင်းပေးနိုင်ပါတယ်။ ဒါဆိုရင် ပိုစ့်တွေကို ပြောင်းဖို့ဆိုတာ အခက်အခဲ မရှိဘူးလို့ထင်ပါတယ်။ ဒီလို plugin ကို facebook, google plus တို့အတွက်ပါရေးနိုင်မယ်ဆိုရင် အဆင်ပြေ သွားမှာပါ။ ရေးတာက ဘာနဲ့ပဲရေ:ရေးပါ online ပေါ်မှာတော့ တစ်မျိုးတည်းဖြစ်စေချင်ပါတယ်။
-နောက်တစ်ဆင့်ကတော့ ယူနီကုဒ်မရှိတဲ့ ကွန်ပြူတာတွေအတွက် unicode embed လုပ်ပေးဖို့ လိုပါတယ်။ ဒါဆိုရင် ယူနီကုဒ်နဲ့ ရေ:ထားတဲ့ site တွေကို ယူနီကုဒ်မလိုဘဲနဲ့ ဖတ်လို့ရမှာပါ။ ဇော်ဂျီကိုတော့ ရွေးမထားဖို့လိုပါတယ်။ ဒါဆိုရင် ဖတ်ချင်လာကြမှာပါ။ သူများပြောင်းမှလိုက်ပြောင်းမယ်လို့ မစဉ်းစားပဲနဲ့ ကိုယ့်ဘာသာကိုယ် ပြောင်းကြဖို့လိုပါတယ်။ ဆန္ဒရှိဖို့ပဲ လိုပါ တယ်။
-ဇော်ဂျီကိုရေးခဲ့တဲ့ လူတွေကတော့ ဇော်ဂျီကိုပဲ သုံးစေချင်မှာပါ။ ကျွန်တော်ကတော့ non-standard ဖောင့်စ်တစ်ခုကို မသုံးစေချင်ပါဘူး။ ကျွန်တော်တို့နိုင်ငံမှာ developer တွေအများကြီးရှိပါတယ်။ သူတို့အကူ အညီနဲ့ ပြောင်းလို့ရမှာပါ။ အချိန်ကြာကောင်းကြာနိုင်ပါလိမ့်မယ်။ ဒါပေမဲ့ နောက်ဆုံးမှာတော့ ပြောင်းလို့ရမှာပါ။ ရေးပြီးသား ပို့စ်တွေကိုတော့ ယူနီကုဒ်ပြောင်းပြီး ပြန်တင်ဖို့လိုတာပေါ့။ ဒီအတွက်လဲ စိတ်မပျက်ကြပါနဲ့။ အကုန် လုံးကို ဒီနေရာကနေ တိုက်တွန်းချင်ပါတယ်။ ယူနီကုဒ်ကိုပဲ သုံးကြပါလို့။

Credit:logofevent.blogspot.com/